ايام زمان

_________

نفسي في يوم احلم بحلم يرجعني لايام زمان نفسي اغمض عيني وافتحها الاقيني في شارعنا القديم ووسط الناس الطيبين واشوف صحابي

صغييرين واراقبهم واراقب نفسي معاهم واشوف بنت الجيران وهي واقفه ورا الشباك وعنيها عليا والحب الدافي الصافي اللي باين في عنيها
انا شايفه وشايف ايديها بترتعش من خوفها ابوها او اخوها او يمكن تشوفها امها ويبق يومها مش فايت وادخل عليها واشوف عنيها وهي

مسكه صورتي في ايديها يا تري بتقول ايه عليا واسيبها وارجع لبيتنا القديم علي ناصية الحاره ومن ورا الشباك اشوفني قاعد بسمع اغنيه

للست ومش عارف اذاكر ومش قادر اركز واقول ياتري بتفكر فيه والا ايه ...واسيبني وارجع للحاره وابن الجاره حسن صحبي وحبيبي

وزميل دراستي اشوفه وهو فوق السطوح وفي المقابل جارتنا نون وهي قاعده تشاورله وبالغرام تبوح وريحة الغيطان مليه المكان والهوا

الصافي وريحة الرمان تفوح واشوف صاحبي وهو متلخبط وحايس ويهرب الكلام منه وابص واضحك عليه لانه من الكسوف بيضيع الكلام
منه واسيبه وارجع لبتنا القديم تاني وبعد بتنا بشارعين تلاته في واحد من صحابي الطيبين الشأينين لان حظه زي حظي وفي الهم عيشين

السنين وهو راجع من التعب همدان وشايل عدته وعدت ابوه لانه لازم بعد مدرسته يروح يسعده في مهنته لان ابوه انسان كبير وكان

المرض بيهد فيه وكان محمد ومازال في الشأه بس كان واد خلاصه وفي الدراسه كان زير كبير بس والله بحبه لان معدنه معدن

نظيف...واسيب محمد حبيبي وارجع لبيتناوحيينا واشوف حبيبتي وهي واقفه عند بيتنا وعنيها علي بابنا مستنيه اطلع وتشوفني سنيه وتروح

تنام وبيه تحلم في المنام ...وفي الصبح اصحي علي صوت هشام وهشام ده صاحبي من شارعنا بينادي يله المدرسه يا عم عادل هنتأخر

واقوله نادي حسن وياله نروح لسامي وسامي ده صاحبنا من ايام ومن سنين نفوت في طريقنا علي محمد ونمشي نتحاكي كل واحد منه كلمه

والخطاوي تقصر معانا والمدرسه هناك اهي بانت من وسط البيوت و كمان حبيبتي والبنات مشيين بيحكو في بطولات بنات

حارتناوالمشربيه ااااااه ه والف اااه ه يازمن لو ترجع او ترجعنا هناك نتكلم ونحكي في الي فات نفسي اغمض عيني وافتحها الاقيني في

شارعنا القديم وسط الناس الطيبين... عادل صلاح