هذه الاشعار هي لاحد اصدقائي القدامي وقد التقيت بهه في احدي اجازاتي في مصر وسوف اعرض عليكم بعض هذه الاشعار الجميله التي اخترتها لكم
ابويا وامي
واحشني يابا ،وحشاني ياامه
بحس اني محتاج لضمه
لحضن ابويا وايديكي ياامه
ياضهري يابه اللي بيه ساندني
في كل كبوه وكل ازمه
يا صدري ياامه وعليه بسيب الهموم و ببكي
في كل ضيقه وكل غمه
واحشني يابه وحشاني ياامه
واحشني يابه وكان في نفسي تكون معايا
نهار يعيني علي الليالي
في كل عتمه واي ضلمه
قمر يلالي وكان في نفسي تشيل عيالي
واحشني يابه يااسم غالي
ومعاني جمه
وحشاني ياامه
وشوقي ليكي يطير ويعلي لاعلي قمه
انالسه فاكردفاكي ياامه
فكل لمسه وكل همسه وكل ضمه
ولسه فاكر دواكي ياامه
فكل مره صابتني حمه
ولسه فاكر لقاكي ياامه
في كل مره اروح واغيب
حنان ومده الايدين بذمه
وبكل همه قوام تحضر
لاحلي لقمه وتمد ايدها
لاحلي حته في احلي بطه
وتقوللي مالك خسيت وجالك
هزال وحالك محتاج مرمه
وحته تسحب وراها حته
لما الزغطه تجيبلي غطه
والقاها نطه وجايبه شفشق من اللي همه
ازاز كبير مليان عصير
وتغيب ترص في كلام كتير
والكلمه تسحب وراها كلمه
دي عين فلانه دي ست رخمه
وف لحظه القي البخور يدور
يبقي حال الامور امور
قال ايه مكلتش جوز الطيور
معقول ياامه.؟
واحشني يابه وذكرياتي معاك امان
و الامان محتاج لضمه
والامان يابه الزمان ده
نفسنا نطول منه شمه
واحشني يابه
ولسه فاكر
يوم ماشفتني بالسجاير
والروايح فايحه رمه
والدخان مغطي قورتي
قول معدي السحاب في اوضتي
وقلت لي وانا مستغطي
هي دي اخر المتمه
تكونش ياابني فاكرني اعمي
ولا فاكر ابوك بعمه
يومها يابه بجد يابه
يومها حسيت اني جزمه
واني عيل ومالي لزمه
وكنت لسه في لعداديه
والخيابه عندي غيه
والسجاير هي خيبتي وكل ليله تجيني ازمه
قد ايه واحشني اكترمن شبابي وعمري لاخضر
والزمن عمال يمرر
والليالي ما فيها رحمه
واحشني يابه وحشاني ياامه ؟
للشاعر ايهاب وفا
